पुरुषोत्तम यादव ,
मलेसिया । माननीय मुख्यमन्त्री श्री सतिश कुमार सिंहज्यू आज विहान मलेसिया पुग्नुभएको छ । उहाँलाई क्वालालम्पुर अन्तर्राष्ट्रिय विमानस्थलमा नेपाली राजदूतावासका महामहिम राजदूत डा. नेत्रप्रसाद तिमल्सिना, एनआरएनए मलेसियाका अध्यक्ष श्री राकेश प्रसाद महतो, महासचिव श्री विष्णु बराल, सचिव श्री उमेश महतो, गैरआवासीय मधेसी संघ मलेसियाका अध्यक्ष श्री महेश्वर यादव ‘निराला’, मलेसियामा कार्यरत पत्रकार मित्रहरू तथा विभिन्न राजनीतिक दलका प्रतिनिधिहरूले न्यानो स्वागत गर्नुभयो ।
यस भ्रमणको क्रममा मुख्यमन्त्रीज्यूले मलेसियामा कार्यरत हजारौं नेपाली कामदारहरूको वास्तविक अवस्था, समस्या र अनुभव प्रत्यक्ष सुन्ने, सरोकारवालासँग छलफल गर्ने र आवश्यक पहलका लागि कदम चाल्ने विश्वास छ । वैदेशिक रोजगारीमा रहेका नेपालीहरूको हकहितमा ठोस कार्य गर्न सकिने अवसरका रूपमा यस भ्रमणलाई लिइएको छ ।
आज साँझ ६ बजेदेखि १० बजेसम्म क्वालालम्पुरस्थित होटल ग्राण्ड कण्टिनेन्टलको सभाहलमा गैरआवासीय नेपाली संघ (एनआरएनए) मलेसियाद्वारा आयोजना हुने हरितालिका तीज विशेष कार्यक्रमलाई पनि माननीय मुख्यमन्त्रीज्यूले सम्बोधन गर्ने कार्यक्रम रहेको छ ।
प्रकाशित मिति: २०२५-०८-२३ , समय : १०:४१:१६ , ७ दिन अगाडि