नयाँ आशा एफएम ,
जनकपुरधाम । मधेस प्रदेशका जनकपुरधाममा यौनधन्दा चलाएको आरोपमा एक जना होटेल सैचालकलाई प्रहरीले पक्राउ गरेको छ ।
धनुषाको जनकपुरधाम उपमहानगरपालिका वडा नं। ४ मुरलीचौक स्थित सँचालनमा रहेको होटल मधेश प्रदेशमा नवालिक केटीलाई राखेर यौनधन्दा चलाएको आरोपमा होटल सँचालक अजिज राईन पक्राउ परेका छन् ।
विगतदेखि नै होटलमा यौनधन्दा चलाएको आरोप खेप्दै आएका राईनमाथि मानव बेचबिखन र जबरदस्ती करणी क्रियाकलापमा सँलग्नको आरोप छ । विशेष सूचनाको आधारमा होटलमा छापामारी गरेपछि राईनलाई रँगेहात पक्राउ गरेको हो ।
जिल्ला प्रहरी कार्यालय धनुषाका प्रवक्ता डि ऐस पी वरुणबहादुर सिंहका अनुसार, होटेलमा कम उमेरका किशोरीहरुलाई राखेर यौनधन्दा चलाएको आरोपमा राईनलाई पक्राउ गरिएको पुष्टि गरे । जानकारी अनुसार, राईनमाथि बलात्कारजन्य क्रियाकलाप, मानव बेचबिखनको मुद्दा समेत लागेको हो ।
जनकपुरधाम उपमहानगरपालिका वडा नं। २३ लादोबेला घर भएका अजिज राईनलाई पक्राउ गरी अनुसन्धान प्रक्रिया अगाडी बढाएको छ ।
प्रकाशित मिति: २०२५-०८-२३ , समय : २१:४२:४६ , ६ दिन अगाडि