पुरुषोत्तम यादव ,
जनकपुरधाम : मधेश स्वास्थ्य विज्ञान प्रतिष्ठान अन्तर्गतका
प्रादेशिक अस्पताल जनकपुरको प्रस्तुति वार्ड पछाडि रहेको लुन्ड्री रूममा एक कर्मचारी झुन्डिएको अवस्थामा मृत फेला परेका छन्।
जनकपुरधाम उपमहानगरपालिका–७ जिरोमाइलका ललित मेस्तरका ४० वर्षीय छोरा भोला मेस्तर सोमबार बिहान लुन्ड्री कक्षभित्र झुन्डिएको अवस्थामा भेटिएका हुन्। घटनास्थलमा फलामको पाइपमा प्लास्टिकको डोरीका सहायताले झुन्डिएको अवस्थामा रहेकाले अस्पताल स्रोतले बताए ।
ADVERTISEMENT
उनी सोही अस्पतालमा कार्यरत कर्मचारी हुन्।
लुन्ड्रीमै काम गर्ने धनुषाको सबैला नगरपालिका–१ पटेर्वाका बिन्देश्वर विराजी यादवका छोरा मुकेश यादवले भोला मेस्तर झुन्डिरहेको देखेपछि प्रहरीलाई खबर गरेका थिए।
अस्पतालका एक कर्मचारीका अनुसार भोला मेस्तरमाथि लामो समयदेखि कामको अत्यधिक दबाब थियो। साना दर्जाका कर्मचारीलाई धेरै काम गराइने तर सुविधा भने माथिल्लो तहका कर्मचारीले मात्रै पाउने गरेकाले उनले यस्ता कदम चालेको हुनसक्ने आशंका व्यक्त गरिएको छ।
यस विषयमा मधेश स्वास्थ्य विज्ञान प्रतिष्ठानका रजिस्ट्रार डा. विनोद यादवसँग सम्पर्क गर्दा फोन सम्पर्क हुन सकेनन् ।
प्रहरीले घटनास्थलको मुचुल्का तयार गरी आवश्यक अनुसन्धान अघि बढाएको जनाइएको छ।
प्रकाशित मिति: २०२५-०८-१७ , समय : १३:५६:१५ , २ हप्ता अगाडि