Naya Aasha ,
विराटनगर: प्रदेशको नाम कोशी नामकरण गरेपछि असन्तुष्ट बनेको पहिचान पक्षधरले विराटनगरमा मंगलवार मोटरसाइकल र्याली निकालेका छन् । सुनसरीको इटहरीदेखि मोटरसाइकल र्यालीमा विराटनगर आएका उनीहरुले विरोध प्रदर्शन र कोणसभा गरे ।
उनीहरूले ‘कोशी नाम खारेज गर’, ‘मुख्यमन्त्री राजीनामा दे’ लगायतका नारा लगाएका थिए ।
जिल्ला प्रशासन कार्यालय मोरङले भने सोमवारदेखि विराटनगर महानगरपालिकाका केही स्थानमा दुई महिना सम्मका लागि निषेधित क्षेत्र घोषणा गरेको छ ।
वर्तमान मुख्यमन्त्री हिक्मतकुमार कार्कीकै नेतृत्वको सरकार रहेको बेला प्रदेशसभाले फागुन १७ गते प्रदेशको नाम कोशी राखेको थियो । त्यस यता पहिचान पक्षधरहरुले प्रदेश १ पुनः नामकरण संघर्ष समिति निर्माण गरी आन्दोलन र विरोध गरिरहेका छन् ।
प्रकाशित मिति: २०२३-०९-१९ , समय : २०:०२:०६ , १ वर्ष अगाडि