Naya asha FM ,
www.nayaaasafm.com
धनुषा जिल्लाको जनकपरधाम उपमहानगरपालिका २४ मा माटो लिन गएका पाँचजनालाई माटोको ढिस्कोले पुरेको छ ।
जनकपुरधाम उपमहानगरपालिकाको वडा २४ स्थित बसहियाका स्थानिय रोशन दासका अनुसार तिहारको बेला घरमा पोत्ने माटो लिन गएका पाँच जनालाई माटोको ढिस्कोले पुरेको हो ।
माटोमा पुरिएकाहरु सोही वडा बस्ने वर्ष ३० की रिता देवी, वर्ष १२ की चाँदनी मुखिया, वर्ष ३५ की निर्मला दास, वर्ष ६ की कल्पना मण्डल र वर्ष ८ की मेघा मण्डल रहेकी छिन्।
घाइतेहरु मध्ये चारको अबस्था सामान्य रहे पनि ६ वर्षीया बालिका कल्पना मण्डलको अबस्था निकै नै गम्भीर रहेको जिल्ला प्रहरी कार्यालय धनुषाका प्रहरी प्रवक्ता वरुण बहादुर सिंहले जानकारी दिएका छन् । घाइतेहरू सबैलाई मधेस स्वास्थ्य विज्ञान प्रतिष्ठान स्थित उपचार भइरहेको प्रवक्ता सिंहले जनाएका छन्।
प्रकाशित मिति: २०२४-१०-१८ , समय : २२:०७:५० , २ महिना अगाडि