पुरुषोत्तम यादव ,
जनकपुरधाम । मधेश प्रदेशका मुख्यमन्त्री सतिश कुमार सिंहले तेस्रो मधेस आन्दोलनका प्रथम सहिद राजिव राउतप्रति श्रद्धाञ्जली अर्पण गरेका छन् । आज भदौ १ गते राउतको सहादत दिवसका अवसरमा मुख्यमन्त्री सिंहले सामाजिक सञ्जालमार्फत संदेश जारी गर्दै सहिद राउतसहित सम्पूर्ण सहिदप्रति उच्च सम्मान प्रकट गरेका हुन् ।
मुख्यमन्त्री सिंहले सहिदहरूले देखाएको मार्ग र आदर्शलाई अवलम्बन गर्दै मधेसका अधिकार, समानता र न्यायको पक्षमा निरन्तर अघि बढ्ने दृढ संकल्प व्यक्त गरेका छन् । उनले मधेस आन्दोलनका क्रममा सर्वोच्च बलिदान दिने सहिदहरूको बलिदानलाई इतिहासकै अमूल्य सम्पत्ति भएको उल्लेख गरेका छन् ।
सहिद राजिव राउत भदौ १ गते, तेस्रो मधेस आन्दोलनका क्रममा सहादत प्राप्त गरेका थिए ।
प्रकाशित मिति: २०२५-०८-१७ , समय : २२:३६:३८ , २ हप्ता अगाडि